विश्व वातावरण दिवस जून ५, जेठ २३ को अवसरमा बुढानीलकण्ठ नगरपालिका वातावरण शाखाको आयोजनामा वृहत् सरसफाइतथा वृक्षरोपण कार्यक्रम सम्पन्न भएको छ । हाम्रो भूमि, हाम्रो भविष्य भन्ने मूल नाराले अन्तराष्ट्रिय रुपमा वातावरण अनुकूल विकास गर्नजोड दिएको छ । जल  सम्पदा संरक्षण , प्राकृतिक स्रोत संरक्षण , सरसफाइ तथा वृक्षरोपण मार्फत जलवायु परिवर्तनको नकारात्मकप्रभाव नियन्त्रणमा क्रियाशिल यस बुढानीलकण्ठ नगरपालिकाले रुद्रमती सरसफाइमा उल्लेखनीय प्रगति हासिल गरेकोछ ।

बुढानीलकण्ठ नगरपालिका नगर प्रमुख मिठाराम अधिकारी , नगर उपप्रमुख अनिता लामा तथा प्रमुख प्रशासकीय अधिकृत तुल्सिरामअर्यालबाट सम्युक्त रुपमा वृक्षरोपण तथा झाडु लगाएर शुभारम्भ गरिएको उक्त कार्यक्रमा बुढानीलकण्ठ नगरपालिका वडा नं, ६ कावडा अध्यक्ष तथा नगरस्तरीय फोहोरमैला व्यवस्थापन समिति संयोजक  रवि खड्का,  वडा नं, १० का वडा अध्यक्ष तथा नगर प्रवक्तानवराज भट्टराई ,  वडा नं, १२ का वडा अध्यक्ष शम्भू भट्टराई ,  वडा नं, १३ का वडा अध्यक्ष टिका नारायण श्रेष्ठ ,  वडा नं, २ का वडाअध्यक्ष राजेन्द्र श्रेष्ठ लगायत वातावरण तथा विपत् व्यवस्थापन समिति संयोजक राम कुमार रोक्का , नगरपालिका वातावरण शाखाप्रमुख विनोद पाठक सहित  वडा सदस्यहरुको समेत उपस्थिति रहेको थियो ।

विभिन्न विद्यालयबाट उपस्थित विद्यार्थी सहित करिब ५०० जनाको सक्रिय सहभागिता भएको उक्त कार्यक्रम बुढानीलकण्ठनगरपालिका–१३ स्थित भद्रकाली मन्दिरबाट सुरु भएर रुद्रमती नदि किनार वरपर सन्चालन भएको थियो । कार्यक्रममा नगर प्रमुखमिठाराम अधिकारीले रुद्रमतीको सरसफाइमा उल्लेख प्रगति भएको तथा बुढानीलकण्ठ नगरपालिका जल सम्पदा , प्राकृतिक स्रोतसंरक्षणमा निरन्तर क्रियाशिल रहने बताउनुभयो । मेयर अधिकारीले फोहोरमैला व्यवस्थापन सामूहिक अभियान भएको प्रत्येक व्यक्तिलेनगर सफाइको अभियानमा साथ दिन अपिल गर्नुभयो ।  शाखा प्रमुख विनोद अधिकारीले नयाँ पुस्तालाई सफा र हराभरा वातावरणसहितको बुढानीलकण्ठ नगरपालिका दिने बताउनुभयो । पाठकले प्रकृति अनूकुल विकासमा बुढानीलकण्ठ नगरपालिकाले जोड दिएकोराय व्यक्त गर्नुभयो ।